خۆکوشتن | خۆرخێ لویس بۆرخێس | ئەدەبی جیهان | ژیار هۆمەر
وەرگێڕان لە ئیسپانییەوە:
ژیار هۆمەر
.
ئەستێرە لە شەو نامێنێتەوە.
شەویش خۆی نامێنێتەوە.
دەمرم و کۆی گەردوونی نەبڕاوە لەگەڵمدا دەکوژێتەوە.
هەڕەم و مەدالیا و کیشوەر و دەموچاوەکان دەسڕمەوە.
ڕابوردووی کەڵەکەبوو دەسڕمەوە.
مێژوو دەهاڕمەوە، هاڕینەوەیش دەهاڕمەوە.
لە دواهەمین زەردەپەڕ دەڕوانم.
دواهەمین جریوە دەبیستم.
هیچ بۆ کەس جێ ناهێڵم.
سەرچاوە:
El suicida, Jorge Luis Borges, Obra poética: 1923-1985, Pagina: 434, Emecé – 1989 (Traducido al kurdo por Jiyar Homer)