دوو شێعری سومەیە فەلاحی
سومەیە فەلاحی
١
ڕادیان شکیاگێگم
وه دەس مەوجەیل بێگانه
بێ‌هچان چریکنم
ده جی ئاوەختەیل دەم ئەوچەقیاگ دەنگ بڕیاگ
مەوجێ گرتگەسەم
جوورێ لەرزم
ک ده هۊچ قه‌ورێ جیمەو نیەو
بێجگه باوش پەنابەر بێ‌پەلامارێ
دە نام دەریای بێقەرارێ
بێقەراره ده‌ریای
ک چەمەیل ئیمە ڕشیانە ده نامێ
۲
قه‌سه‌م وه ده‌سه‌یلت
وه گوڵەیلێ
ک بوو گوله دێن
خۊنه
ک خیاوانەیل سەرده‌وا گه‌رمه‌و کێگ
ک دەشوون هه‌ر زامێ
چراخێ دەم دەیگ
تا ده نام تەم
دەسەیلت گوم نەکەم
دو باڵندەی بێقەرار
ک لێز گرن
ده تیەریکان لەشم
دە دەنۊکیان بەرەکەت کەم
دوومه گەنمزارێ
ک ئەڕا مێشتێ خۊن
بهه‌یشت
ده خوەم تاڕنم
قه‌سه‌م وه ده‌سه‌یلت
ک خیاوانەیل سەردەوا
گەرمەو کەن…
دەستان خوەش