بلیتە دڕاوەکان – بەهار حسەینی
بەهار حسەینی
.
بلیتە دڕاوەکان
بلیتە نوێکان
بلیتی وڵاتە نامۆکان
بلیتی شەمەندەفەر
بلیتی کەشتی
هەموویانم ڕۆ کرد
من لە نێوانیان مێروولەیەکی ماندوو بووم
وێنەی ناسراوەکان
نەناسراوەکان
رەش وسپی
هاوزمان
زمانە غەریبەکان
هەموویانم رۆ کرد
من لە نێوانیان مێروولەیەکی بچووک بووم
ژیان جگە لە بڵقی سەرئاو هیچیتر نیە
ئەمە منێک دەیڵێم:
کە تا سەر ئێسقان تەنیایەکی گەورەم