با رەش بێت ئەو کراسەی تۆ ماچ ئەکات | شوعەیب میرزایی| شێعر

شوعەیب میرزایی

.

با رەش بێت
ئەو کراسەی تۆ ماچ ئەکات
با رەش بێ دنیا کە کاولیش خاپوور ئەکات.

سەیری دەستەکانم بکە
سەیری دەماری دەستەکانم
سەیری کاولی

با رەش بێت و کەمێکیش گەنم
رەنگی ساڵ بێت و
پەرێشان
رووبەندەکەی لابردبێت
سەروازەکان
نەوت و تفەنگ حەراج بکەن .

با رەش بێت
رەنگی ساڵ قەترانی
رەنگی ئەو ساڵەی بەشار ئەسەد لە مەیانی دەمشقا هاواری ئەکرد ;
رەشێکی دەمشقیمان هەیە
رەشێکی ساڵ .
رەشێکی سەربازکوژ.

سەیری دەستەکانم کە
سەیری بەیرووتی دەستەکانم

هذا الهدی دەستێکی مردوو
هذا الهدی دەستێکی فەوتاو
هذا الهدی دەستی راست, دەستی ساڵ
هذاالهدی
ئەو دەستەی
تێیدا نەماوە هێزی بەی گووشین.