دوو کورتە شێعر

فەریاد شیری

.

تەنیایی

تەنیایی شاعر،

تەنیایی دەنگە و

بێ‌دەنگی شاعر،

تەنیایی وشە!

ئمجا دڵنیام ک شاعر نییم و

تەنیا وشەێک بێ‌دەنگم

لە کوتایی ئێ شێعرە!

ژ

هەر وە کۆتبڕ وەت : ژ

ژان نیشتە گیانم

ژان تەنگە نەفەسی ژنێک ک داڵکم بی و

تەمەنی 44 ساڵانم

وە باوشێ هیشتمە جێ!

***

قووخیا و بێ گیان

وە زوور زرانیەیلێ

وە ژێر خانەکە هاتەبان

دەس کیشا سەر تووزێ جامکەکە و

بێ قسیەی ژانی گرت و

هەر وە کۆتبڕ قیژان و

وەت : ژ ژ ژ ژ ژ ژ ژ ژ ژ ژ

ژ ژنەو

ژن خاوێ چەپە

هەفی خێلف داسە گیرفانێ پیاو

لە دریژی فاڵێ واران ئەوارێ .

ژنێک نادیار

وە شێوەی ئەسپێک بێ خاون و وێڵ

وەرەو دەریا نەهێڵێنی . . .

ژ ژ ژ ژ ژ ژ ژ

ژن خاوێ چەپە

ژن داڵکە

ژن داڵکێ داڵکە

ژن داڵکێ داڵکێ داڵکێ داڵکە

ژن ژانە

ژن ژیانە

ژن ژارە

ژن ژانێ ژیانە

ژن ژارێ ژانێ ژیانە

ژن ژارێ ژیانێ ژانە

ژن ژوانە

ژن بێ زووانە

ژن وە ژێر زوانێ

ژارێ هەفی رژانە

ژن هەر ژنە

ژن وەیە

ژن هەر وەیە ، وەی

وەی ، وەی ، وەی ، وەی . . .

وەی وە داڵک

وەی وە ژان

وەی وە ژان

وەی وە ژان

وەی وە ژانێ ژن ژیان

وەی وە ژ

وەی وە ژ

ژ ژژژژژزژژژژژژژژژژژژژژژژژژژژژژ