ئەنوەر عەباسی (هەرەس)

.

ئەی بزر بووی سەدەکان
لە کوێی؟
وا هەر ئەگەڕێم و ناتگەمێ
هەر ئەوەستم و هەر نایەی
من ئیتر لە شەڕ کردن ماندوو بووم
ئەمەوێ ساتێک سەر بنێمە سەر نەرمایی سینگت و
هێواش بڵێم: ئۆخەی ئارامی گیانم، ئۆخەی!
کە تۆ نەبای چیم لە وەحشەتی تەنیایی خۆم کردبا؟
تۆیش دەست بێنی بەسەرمدا و
بڵێی: گیان ئەی بارستی چەتوون، گیان
ئەمشەو لە ئامێزی کامە خەیاڵی شەڕەنگێز گەڕاویتەوە
وا دڵت وەکوو کۆترێکی غەریب
بەسەر بانی ئێوارەوە توند لێئەدا…