هەتاو بم بمرم لە سینەتا | شوعەیب میرزایی | شێعر

شوعەیب میرزایی

هەتاو بم بمرم لە سینەتا
جادە بم چۆڵ و سێبەر
لە سنەتا بەفر ببارێت
لە سنەتا هاوین خۆی کوشتبێت
بڵێی:
ئێوارە باش
هاتووم سەرێ جادە بدەم
هاتووم هەتاو خۆی نەکاتە ملم
هاتووم تەنیایی نەڵێ؛ کەس مردووە.

مشتێ هەتاوت لە سینەتا هەمار کردووە و
خەریکی
چەرمگی بەفر و چۆڵی تەنیایی تەماشا ئەکەی
ئەڵێی:
جادەش جادەی قەیم
ئەتتوانی
چۆڵیشی؛ تیا ماچ کەیت
ئەتتوانی بەفر پژنیتە سەر هەتاوا
ئەتتوانی …

بڕێ جار ئەبێ
تەنیا رابردوو هەمار بکەی
بڕێ جار ئەبێ
بەفر بیت و چەرمگیت تیا ببارێت
جادە بیت چۆڵ و بێدەنگ.