مەس/ دەردی ئازارێ بە ناوی ژیان – ئاکام کەوسەری

ئاکام کەوسەری

.

هێڤیدارین ئەجمەعین

وەرەحمەتوڵاهوو  تەعالا قەسەم

بە خوێن کە کوژراوەتە گیانمانا

بە گەروو کە زیرەک شکاوەتە رۆحیا

بە هاوار کە خەفەین و

 رۆژ لە ئێوارەمانا وەیلان

بە ئاگر کە  بەربۆتە هەناسەمان  و

 جەحانممان ئەخەمڵێنێ

                /هاوار/

ئەو کە رژاوەتە خەمەکانم

چی داوە لە سوور و رەنگ

کە تاریک بێ

 وەک بە رۆحی ئیزاریل قەسەم

دەبوو ماشقەی ژەنیارێ قەرج بایەم

لەو نۆتانەی بە دیار  هەناسەی ئەشقەوە

خاو ئەبوونەوە بگەوزایەم

 کەئەیژەنی

نازانم چیم لە سەردایە و بۆ کوێ

وەسوەسەی شەوێ بێ رەنگم و

 ئەشق

شەکەتی قژە تەڕەکانی

قەرجێ

لە منا کوا شتێ بۆ ژەنین

کە بکرێ

کوا نۆتێ حەیرانی چاوەکانی

 بچریکێنە

قەسەم بە رەش کە ئاڵۆزە

بە چاوە سەوزەکانی کە خەمینە:

ئەم ئەشقە

بەشی سێ شەقام  چرای تیا سوور بووە

هەر تاریکە

تاریکە ئەو ئێوارەیەی دەستەکانی تیا ون بوو

تاریکە ئەو دەنگەی تێیدا فاڵش و مەست

 ئەباری پەنجەی

لە مەستی قژەکانیا ئارەقان ئەپێوێ

 تاریکی

ئەشق مەودایەکە بۆ ژەنین

هەموومان سەگ ژیان لە گیانمانا درێژە

گەرووم زەخمیی ئازارێکی درەنگ و

تا هەناسەیە ئازاد

مشتێ ئارامیم ئەوێ

 تیا بخەوم

کچێ بە دەم قاوەخواردنەوە بیر ئەکاتەوە

قژەکانی لە ژێر چەنەیا گرێی ژیانی تیا شکاوە و

گەمژانە لە خەیاڵی خۆیا

خەونی تیا دائەهێنا

بی ئاگا لە خۆم      تۆ         ئەو

لە شەوێ باوەشێکم تیا

 حەجمی بێت

لە خۆم و سێبەری  ئێوارەیەکا  خەمین

هەرزان بە گیانتا گێج ئەخۆم و

لە خۆما کاول شۆڕئەبمەوە

بە ژنایەتی باران و

شارام وتەنی:

 پیاوەتیم هیندە سانتە

نازانی!

دڵخەمین سەرت سەودای هەزار رەنگە و

گیانت دەرچووی هەناسەیەک

لە رۆحی هەلاهەلای منا

باران ئەشوا

 خەمڕەوێن

بە حەیرانێکی خەمین و پڕ ئازارەوە

 قاتین لە خەما و

 مەرگ ژیاوین ئێمە

ئەویش چ شیتانە سینەکانی ئالوودەی دەستی با ئەکا و

 من

سییەکانم ئیسترساوی خەفەبوونە و

ژیان وەک خۆی لەعنەتی  و دەرد

کە چی جەنازە ئاو ئەخنکێنێ و

نیشتمانیش

 بە سەر شانی شاعیرێکی خەمینەوە

هەرای خۆڵەکەی ناکەوێ

         یا کرۆنازرایل

هەناسەکانی تێکەڵی گیانمکە

خەریکە لە گیانەڵای هەناسەیا بمرم

دایە هەموو گیانم ئەیشێ

چۆناوچۆنی وڵاتێ پڕ لە مریان

کارەسات

تێخ/ین

خۆڵ هەناسە تل ئەداتە گیانما

ئاو جەنازە مەوج ئەدا لە خۆیا

دایە

لە سییەکانما ئەبارێ  دەرد

دونیا بەشی بێ تاقەتیم ناکات

ژیان عادەتێکی لەعنەتیە کە ئەژین و

 ئەو

چ بێرەحمانە بەهاریە

    /دەستەکانی/

خەریکە لە گیانما دەرچێت و

من لێوان/لێو ئیوارەم تیا روواوە

بەهار خەریکە ئێوارەم

دەستی ئەکا و

ئەو ئالوودەیی ها ئەکاتە

بێ تاقەتی تەنیایی خۆی

 ئالوودەیی لە ئەوەوە سەری هەڵدا

لە سینەکانیا

لە تەماشا تەڕەکانی

کاتێ ئەیگوت

ژیان هەنارە بیگوشە.