ژ…!
فەریاد شیری
.
هەر وە کوتبڕ وەت: ژ
ژان نیشتە گیانم
ژان تەنگە نەفەسی ژنێگ ک داڵکم بی و
تەمەن 44 ساڵانم
وە باوشێ هیشتەمە جی!
٭٭٭
قووخیا و بێ‌گیان
وە زوور زرانیەیلێ
وە ژێرخانەگە هاتە بان
دەس کیشا سەر تووز جامەکەگە و
بێ‌قسیەی، ژانێ گرت و
هەر وە کوتبڕ قیژان و
وەت: ژ ژ ژ ژ ژ ژ ژ ژ ژ ژ ژ ژ ژ
٭٭٭
ژ، ژنە و
ژن، خاوێ چەپە
هەفی خڵێف داسە گیرفان پیاو
لە دریژی فاڵێ واران ئەوارێ.
ژنێک نادیار
وە شێوەی ئەسپێک بێ‌خاوەن و وێڵ
وەرەو دەریا ئەهیلێنێ…
ژ ژ ژ ژ ژ ژ ژ ژ ژ ژ ژ ژ ژ ژ ژ ژ ژ …..
ژن، خاوێ چەپە
ژن، داڵکە
ژن، داڵک داڵکە
ژن، داڵک داڵک داڵکە
ژن، داڵک داڵک داڵک داڵکە
ژن، ژانە
ژن، ژیانە
ژن، ژارە
ژن، ژان ژیانە
ژن، ژارێ ژان ژیانە
ژن، ژیانێ ژان ژارە
ژن، ژارێ ژیان ژانە
ژن، زوانە
ژن، بێ‌زوانە
ژن، وە ژێر زوانێ،
ژار هەفی ڕژانە
ژن، بەسەزوانە!
ژن، هەر ژنە
ژن، وەێە
ژن، وەۊە
ژن، وەێە وەۊە
ژن، هەر وەێە، وەێ، وەێ
وەێ، وەێ، وەێ، وەێ….
وەێ وە باوک
وێ وە داڵک
وەێ وە کوڕ
وەێ وە کچ
وەێ وەێ وەێ وەێ….
وەێ وە ژن
وەێ وە ژان
وەێ وە ژیان
وەێ وە ژان ژن ژیان
وەێ وە ژ ژ ژ ژ ژ ژ ژ ژ ژ ژ …