لکەو کام سەرپۆشیت ماچە دەو؟
سوهەیب فاڕوق
.
لکەو کام سەرپۆشیت ماچە دەو؟
شانەو کام وەرمیتۆ
شیعرێ پاڵ گنوو؟
کە خیابان وەشەسیایتنە
سیا+ درێژ
کە من وەروو بەرەیتەنە
مەس … تا کەس
نێ و لەنجەیت کەرۆ حوبێ پەی سەرێشەی
کەرۆ دەوا تا ترەمپە شێت …
تا تەنیایی ئی عەسریە
دلێ دووکەڵوو جەنگێوەنە
ورازۆوە
تا قەڵاخیی ئی مەراقیی
هەس هەس پیموو
تا کەربەلام دلێ دووریی حسێنیتنە
هەر ونیش بێ
تا حەسەنم دلی چۆڵیی
نەجەفیتە
پێسه
پەپووەکەوشاهۆی پەپوو ڕۆ کەرۆ،
تا قەباڵەو ئی قەڵا حیزێ
وانووە
تا کوڵکێ قامەتیم شانا
تا جەنگ بێ و یۆ یۆ
من تۆم نەماشتییۆ و
ئاڎ
ترەمپ
ئی گردوو شێرووخەتی
ڕوێ نەکەوت باروو منرە
باروو تۆرە، هەر بارووتا
ناستش هەناسێ بووێت عەترنوو
ناستش قامەتێ باڵایت ..
ئاخ خ خ
پەی جوانییەکەیم زانوو مەی و گێڵنیشۆ دماوە
کە ئیتر جەنگی یەرەمیچ بێ و
به من چێش
ئەی به تڕەمپی؟